KKinZona Irratia 98.0 Fm - Urretxu - Zumarraga GazteleKU

2013ko maiatzaren 23a

Atzo hainbat herritarrek Zumarragako BBVA banketxea ordubetez hartu genuen, ekintza zaratatsu baten bidez, bizi dugun egoera salatzeko.

Badira urte batzuk, krisiaren aitzakipean eta sistema kapitalista aurrera eramateko asmoarekin, boteretsuen indarra areagotuz langileriaren eskubideak urratzen ari direla, herritar asko egoera larrian utziz.

Herri mailako datuak aztertuz, honakoa ikusi dezakegu: bost urtetan langabetuen kopurua 600 izatetik ia hirukoitza izatera pasatu da, 25 urtetik beherako langabetuak, gaur egun, 200etik gora direlarik. Horrez gain, hainbat eta hainbat enpresa txiki itxi dira, beste askotan kaleratze ugari egon direlarik. Orbegozok baita ere, herriko enpresa handiena denak, %12ko soldata murrizketa aurrera eraman du, 48 lan ordu gehitzearekin batera. Pribatizazioaren eta lan baldintzen okertzearen adibide garbi bezala, Zumarragako Zaharren Egoitzako kasua dugu: urteko lan orduei 200 ordu gehitzea, soldatan 400€-ko murrizketa eta bertako langileriaren %25a kaleratu nahi dute.

Zapalkuntza honi aurre egiteko, herri mailan, maiatzaren lehena langileriaren eguna zela eta, Ernai-k eta Gazte Komunistak-ek asanblada ireki bat sortzeko beharra ikusi zuten. Bertan sortu zen UZL, Urretxu Zumarragako Langileriaren asanblada, adin eta pentsakera ezberdinetako jendea bildu zelarik. Bertako kide guztiek ideia berdina zuten buruan; krisia sistemikoa dela, ez soilik ekonomikoa, zapaltzaileek ikustarazi nahi diguten bezala, eta sistema honi alternatiba bat bilatu behar zaiola. Asanblada hau sortzearen helburuetako bat, haserrea indibidualki bideratu ordez kolektiboki aurrera eramatea litzateke, sentsibilitate ezberdinetako jendea biltzeko asmoz.

Guzti honegatik, eta zuk eduki ditzakezun arrazoi ezberdinengatik, Urretxu Zumarragako Langileriaren izenean, deialdia zabaltzen dugu maiatzaren 30ean arratsaldeko 16:00etan egingo den herri asanbladan ahalik eta jende gehien elkartu gaitezen.

Egoera larria da eta erantzunak tamainakoa izan behar du. Beraz animatu zaitez, herri mailako erasoei erantzun duin eta bateratu bat ematera!

HERRI BORROKAZ KAPITALISMOA SUNTSITU!

Urretxu Zumarragako Langileria

BBVA banketxera aserre sartu diren herritarrak irten dira dagoeneko, pentsatzen zutena ozen esan eta beraien haserrea adierazi dute, “krisiaren erantzule” “lapurrak”, “Mundu berria herriaren esku” “krisia, sortu dutenentzat”, “La usura pasa factura”,”kapitalismoa suntsitu”… eta horrelako esloganak zabaldu dituzte. BBVA paretik pasatzen zirenei panfletoak ere banatu dizkiete eta barrura sartzen zirenek oztopatua aurkitu dute beraien eguneroko tramitazioa (total, seguro zorrak ordaintzera zijozela…)
Banketxeak dira egun herriari falta zaionaren jabe ez-legitimoak eta ez diote herriari itzuli nahi herriarena dena. Bankuak; lapurrak, esplotatzaileak, bihotz-gabeak, krudelak, ankerrak, zekenak, iruzurtiak, eskrupulo gabeak, lotsagabeak eta noski diru-botere zaleak dira.
Jarrai dezala borroka honek, guztion onerako. Hemendik animatu ekintza hauetara, benetan inporta bazaigu orain da momentua. EGURRA!!!!!!!!!!!!!!!!!!!!!!!!!!

Zumarraga-Urretxuko hainbat ekintzailek gaur 12:30tan BBVAko Zumarragako sukurtsala okupatu dute. Egungo egoera salatzen ari dira: Etxe-desjabetzeak, bankuen erreskateak…

Langile batek liskarren bat izan dute, Ertzainak azalddu dir aoraintxe laster berri gehiago….

Badirudi Gaztetxe berria ireki zenetik barra eramateko estilo-modua, obsoletoa geratzen hari dela. Badirudi ezarri diguten eta onartu dugun krisi egoera berri honetan ez dela bideragarria lau lagunek Gaztetxearen zati bat den barra-taberna eramatea.
Zer egin aurrera begira?

Galdera sinple bezain irekia da. Hau eztabaidatzeko Gazte Asanbladak bilera berezi bat deitu du. Hitzordua ostegunean atsaldeko 18:00etan.
Bilera honetan ez da inondik inora barran egon direnen lana juzgatuko, irtenbide eta ideia berriak jaso eta hauen inguruan eztabaidatuko da, orain arte bezala jarraitzea ere aukeren artean egon daiteke. Bide batez diruzain berria izendatuko da.
Dudarik gabe etorkizunean Gaztetxearen funtzionamendu orokorrean eragin handia izan dezakeen eztabaida da, ez galdu Gaztelekua axola bazaizu!

Herrira mugimenduak deituriko “Plazak bete” ekimena burutu zen atzo Urretxu-Zumarragan. Euskal Herriko beste hainbat herritan bezala presoen aldeko mobilizazioa egin zen herrian. Hona hemen bideoa:
http://www.youtube.com/watch?feature=player_embedded&v=693X8828rCE

Larunbat honetan Herrira-k deituta “Plazak bete” ekimena burutuko da Urretxun. Bertan, aurreko aldian bezalaxe argazki erraldoi bat aterako dugu presoen eskubideen alde. Horregatik, ezinbestekoa da ahalik eta jende gehien bertaratzea.

Joateko asmoa dutenak, izena emateko orriak dituzte Amalur, Gazteleku, Motz eta LAB-en egoitzan.

Hau Maiatzak 18an, larunbata, izango da Lizeoan, 11:30tan.

Animo!! eta ea jende pila elkartzen garen bertan!

Unicornibot talde Pontevedrarrak kontzertu aparta eskaini zuen Gaztetxean. Osteguna izanda ere jende ugari gerturatu zen. Baita gure herri maite hauetatik kanpo ere. Azken aldian egin izan dugun bezala borondatea eskatu genuen sarreran, gastuak kubritzeko. Taldekoak gustora geratu ziren ateratakoarekin eta ikusleak ere pozik espektakuluarekin. Mila esker guztioi. KKinzona irratian Gorkak elkarrizketa egiteko aprobetsatu zuen eta aukera bikaina duzue taldea ezagutzeko orri honen eskuinaldean dagoen erreporduktorean elkarrizketa hau entzuteko aukera baitago. Gozatu.